【转帖】张学友愿来世再与张国荣合演音乐剧

紫

响丧礼上面，张学友讲出佢同哥哥既一次偶遇，学友好深刻记得，响一个公开场合上面，佢撞到哥哥，当时哥哥向学友提出，大家合作一个音乐剧，学友一口答应，剧本实时开笔，而且已经完成，可惜哥哥已经无法再同学友一齐演出，不过学友话，无论今生，抑或来世，佢都愿意实践呢个承诺，同哥哥再演呢出音乐剧。
上台果阵，学友曾经喊左两次，同样地，平时好冷静既大导演徐克，一上台已经喊左出黎，徐克含泪大赞哥哥系个不可多得既人材，亦都系佢既好朋友，谂到以后一大班朋友聚会，冇左哥哥响度，徐克觉得系一个好大既遗憾；事实上，当一班朋友知道哥哥患上抑郁症之后，除左尽力开解佢之后，徐克已经开工写紧一个剧本俾哥哥，希望有工作寄托之下，哥哥既抑郁症能够不药而愈，无奈造物弄人，哥哥永远都唔能够再演徐克导演既作品啦！
紧接徐克上台既黄沾喊得最犀利，黄沾大赞哥哥系个世间罕有既美男子，难得佢仲好细心善良，最后一次世界巡回演唱会完成之后，沾叔知道哥哥好体贴咁买左一百份礼物，送俾所有同佢合作既工作人员，可见哥哥为人几有感情！

宛灵

好人总是不长命啊~！！！哥哥，
永远完美的哥哥！！

r11ronaldo

完美的你，有很多人爱你！